Grappie Vir Die Dag........

In respek vir die grote Mike ... dink nie dis nodig om sy naam te verander in die grappie nie, hy sal altyd 'n Suid-Afrikaanse-grappie-legende bly! :)

Koos, Mike en Kallie word deur spietkops by 'n groot winkelsentrum in Benoni afgetrek.

Spietkop: OK, guys, het julle 'n idéé hoe vinnig julle gery het?

Hulle: G'n idee nie – maar jy gaan ons sê!

Spietkop: So vinnig dat julle elkeen 'n spoedkaartjie gaan kry! (Hy haal sy boekie uit.) Wat is jou naam?

Koos kyk rond en sien 'n Woolworths-reklamebord daar naby: "My naam is William Woolworth," sê Koos.

Kallie snap dit dadelik, kyk rond en sien Edgars. "My naam is Eddie Edgars!"

Kallie en Koos kyk benoud na Mike en hoop dat hy verstaan wat hulle gedoen het.

"En jy?" vra die spietkop kwaai.

"My naam is Ken!"

"Ja, maar wat is jou volle name?"

Mike sê selfversekerd: "My naam is Ken, en my van is Takkie Fraaid Tjieken!"